'मतभेद संविधान सभामा नपुगोस्'

संविधान सभाका अध्यक्ष सुवासचन्द्र नेम्बाङले दलहरुबीचको आपसी मतभेद छचल्किएर पनि संविधान सभामा पुग्न नहुने बताएका छन् ।
नेपाल पत्रकार महासंघ इलाम शाखाले आइतबार आयोजना गरेको संविधान निर्माणमा सञ्चारकर्मीको भूमिका विषयक अन्तक्रिर्या कार्यक्रममा बोल्दै सभाध्यक्ष नेम्वाङले व्यवस्थापिका संसदमा उत्पन्न हुनसक्ने मतभेदलाई संविधान निर्माण प्रक्रियासँग नजोड्न दलहरुलाई आग्रह गरेका छन् । 'जनआन्दोलनबाट प्राप्त उपलव्धीलाई संस्थागत गर्न नयाँ संविधान निर्माण गर्नु छ । हाम्रो प्रमुख दायित्व यही हो । यो दायित्वलाई समयमा पूरा गर्न सवै पक्ष प्रतिवद्ध हुनर्ुपर्छ,' उनले भने ।
सभाध्यक्ष नेम्वाङले दलहरुबीच सुदृढ एकता र समझदारी कायम गर्न सञ्चारकर्मीले महत्वपर्ूण्ा भूमिका खेल्नुपर्ने बताएका छन् । उनले सञ्चारमाध्यमले जनताको कुरा संविधान सभामा र संविधान सभाको कुरा जनतामा पुर्‍याउन पुलको भूमिका निर्वाह गर्नुपर्ने बताएका छन् । उनले सञ्चारमाध्यमले संविधानसँग सम्वन्धित विषयलाई उच्च प्राथमिकता दिएर प्रकाशन र प्रसारण गर्नुपर्ने बताएका छन् । 'संविधान निर्माणका क्रममा हुने त्रुटि र ढिलाईप्रति जनताले झकझकाउने र आवश्यक सुझावहरु दिने वातावरण सञ्चारकर्मीले तयार गरिदिन सक्छ । हामीले लाखौं सुझावको अपेक्षा गरेका छौं,' उनले भनेका छन् ।